「工場滿希望，工作前路攜手創」，怡東綜合就業服務中心好幸運同一間本地咖啡烘焙公司合作，將咖啡分豆等嘅後勤工作交俾殘疾會員負責。會員肩負起守護咖啡豆嘅使命，負責工序包括分豆、磨粉、定量，以及製作掛耳包！無論係幾微小嘅工作，會員都以專注嘅態度認真工作，務求令到客人享用到嘅每杯咖啡都同樣優質、安全。希望每一位客人享用獨特咖啡口味嘅時候，同時飲得出會員努力的付出。

我們的IG 

咖啡公司負責人睇到會員嘅一絲不苟，會員工作職能被受認可，除左後勤工作之外，咖啡公司更願意同我哋會員一齊推出聯乘製作嘅咖啡掛耳禮盒，一盒八包嘅咖啡掛耳禮包全部經過精心挑選及烘焙，再由工場會員負責包裝及運送。網店同所屬中心都有得買，心動不如用行動嚟支持呢班守護者啦！

鍾意咖啡嘅原因有好多，而會員鍾意咖啡嘅原因好簡單，就係有得參與其中，製造有別於一般庇護工場既產品同服務。會員工作嘅成果需要您哋既支持，而您哋既支持可以令會員繼續炮製唔同口味及款式。您又會唔會因為佢哋製作既產品而愛上咖啡呢？